Mixed Feeding ကနေ Exclusive Breastfeeding ကို ဘယ်လိုပြောင်းနိုင်မလဲ

တကယ်လို့ မေမေတွေက မိခင်နို့နဲ့ အခြားအရာတွေ ရောတိုက်နေရာကနေ မိခင်နို့ချည်းသက်သက် ပြောင်းတိုက်ဖို့ စဉ်းစားနေပြီဆိုရင် ဒါဟာ မှန်ကန်တဲ့ ဆုံးဖြတ်ချက်လို့တောင် ပြောလို့ရပါတယ်။ဒီလိုပြောင်လိုက်ခြင်းကြောင့် ရင်သွေးလေးတွေရဲ့ ကျန်းမာရေးနဲ့ သူ့ရဲ့ ဖွံ့ဖြိုးကြီးထွားမှု/ဖွံ့ဖြိုးတိုးတက်မှုတွေ ပိုကောင်းလာစေမှာ ဖြစ်ပါတယ်။ ကလေးက အဖျားအနာကင်းလာတော့ မိသားစုအနေနဲ့ ကျန်းမာရေးကုန်ကျစရိတ်အစား အစားအစာနဲ့ အခြားအသုံးစရိတ်တွေအတွက် ငွေပိုသုံးလို့ ရလာပါတယ်။ မိခင်နို့တိုက်တဲ့အကျိုးကျေးဇူးတွေက ဘယ်လောက်တိုက်လဲဆိုတဲ့အတိုင်းအဆ ပမာဏပေါ် မူတည်နေပါတယ်။ ကလေးငယ်ကို့ မိခင်နို့ပိုတိုက်လေလေ ကလေးအတွက် ပိုအကျိုးရှိလေလေပါဘဲ ဖြစ်ပါတယ်။

ကဲအခုမေမေတို့ ဘာလုပ်ကြမလဲ

၁။မိခင်နို့နဲ့ နို့မှုန့်ရောနှောတိုက်ကျွေးတာ (Mixed Feeding) ကနေ မိခင်နို့ချည်းသက်သက်တိုက်ကျွေးတဲ့အဆင့်ကို ဖြေးဖြေးချင်းပြောင်းပါ။ ဒါမှသာ နို့ထွက်များလာပြီး နို့မှုန့်တိုက်ရတာလျော့လာမှာပါ။

၂။မိခင်နို့ကိုအရင်တိုက်ပါ။ပြီးမှ နှို့မှုန့်တိုက်ပါ။

၃။မိခင်နို့ကို နေ့ရောညပါတိုက်ပါ။

၄။တစ်ကြိမ်နဲ့တစ်ကြိမ်ကြားမှာ ၃ နာရီထက်ပိုပြီးမကြာပါစေနဲ့။ မကြာခဏ နို့တိုက်ကျွေးတာက မေမေတို့နို့ထွက်တာကို အားကောင်းစေလိမ့်မယ်။

၅။အဲဒီလို နို့တိုက်ရင် ၂၄ နာရီအတွင်း မှာ ၃-၄ ကြိမ်ကနေ ၈ ကြိမ် (ဒါမှမဟုတ်) ဒါ့ထက် ပိုလာပါလိမ့်မယ်။ ရက်နည်းနည်းကြာလာရင်နို့ထွက်တာ များလာပါလိမ့်မယ်။ နို့တိုက်တိုင်း နို့မှုန့်ပမာဏ လျော့လျော့သွားပါ။ မေမေနို့တိုက်တာများလာလေ ကလေးက ကျေနပ်ရောင့်ရဲလာပြီး နို့မှုန့်တောင် ထပ်လိုတော့မှာ မဟုတ်တော့ပါဘူး။

၆။ကနဦး ၅ ရက်လောက်အတွင်းမှာတော့ နို့ထွက်ကောင်းစေဖို့ မေမေတို့ရဲ့နို့ကို တနေ့မှာ ၄ – ၅ကြိမ်လောက် နှိပ်နယ်ပေးဖို့နဲ့ နို့ညှစ်ပေးဖို့လိုပါတယ်။

၇။ကလေးတွေဟာ တစ်ယောက်နဲ့တစ်ယောက် မတူကွဲပြားကြလို့ အချို့တွေအတွက် အကူးအပြောင်းကာလက မြန်တတ်ပေမယ့် အချို့တွေအတွက် နည်းနည်းပိုကြာတတ်ပါတယ်။

၈။ကလေးရဲ့ အဝင်ပမာဏ(နို့သောက်သုံးမှုပမာဏ)နဲ့ အထွက်ပမာဏ( ဆီး နဲ့ဝမ်း)တွေကို မှတ်သားထားသင့်ပါတယ်။

၉။အကူးအပြောင်းကာလမှာ ကလေးရဲ့ ကိုယ်အလေးချိန်ကိုလည်း မှတ်သားရပါမယ်။

၁၀။အခုလို ပြောင်းလဲရွေးချယ်တာက မေမေတို့ ကိုယ်တိုင်ဖြစ်ပြီးတော့ မိခင်နို့ပဲ တိုက်နိုင်မယ်ဆိုတဲ့ ကတိကဝတ် သို့မဟုတ် ယုံကြည်မှုကို ခိုင်မာစွာ ထားဖို့လည်း လိုပါမယ်။

၁၁။ မိသားစုဆီက အပြုသဘောဆောင်တဲ့ အထောက်အပံ့တွေ ရရှိမယ်ဆိုရင်လည်း မေမေတွေနဲ့ ကလေးတွေအတွက် အကူးအပြောင်းကို ပိုမိုလွယ်ကူစေပါတယ်။

၁၂။အရေးပေါ်ကာလမှာ မိခင်နို့နဲ့ နို့မှုန့်ရောနှောတိုက်ကျွေးတာခံနေရတဲ့ ကလေးငယ်တွေက ဝမ်းလျှောရောဂါ၊ ရောဂါပိုးတွေနဲ့အာဟာရချို့တဲ့ဖို့ အန္တရာယ်ရှိတယ်လို ကမ္ဘာ့ကျန်းမာရေးအဖွဲ့ (WHO) ကဆိုပါတယ်။

မိခင်နို့တိုက်ကျွေးခြင်းနဲ့ပါတ်သက်လို့အချင်းချင်း အတွေ့အကြုံ ဗဟုသုတတွေ မျှဝေနိုင်ဖို့၊ အခက်အခဲတွေကို အတူတကွ ဖြေရှင်းနိုင်ဖို့မေ့မေ့ချိုချိုဆိုတဲ့ Group လေးလုပ်ထားပါတယ်။ လင့် လေးကိုနှိပ် Group Member တင်ဖို့ ဖိတ်ခေါ်ပါတယ်။ Member ဝင်တဲ့အခါ မေးခွန်းလေးတွေကိုဖြေပေးဖို့ မမေ့ပါနဲ့နော်။

မေမေ့ချိုချို Group ကို ဝင်ရန်။ http://bit.ly/maymaychocho