Mixed Feeding ကနေ Exclusive Breastfeeding ကို ဘယ်လိုပြောင်းနိုင်မလဲ

တကယ်လို့မေမေတွေက မိခင်နို့သက်သက် ပြောင်းတိုက်ဖို့စဉ်းစားနေပြီဆိုရင် ဒါဟာ ဆုံးဖြတ်ချက်အမှန်လို့တောင်ပြောလို့ရပါတယ်။ရင်သွေးလေးတွေရဲ့ ကျန်းမာရေးနဲ့ သူ့ရဲ့ ဖွံ့ဖြိုးကြီးထွားမှု/ဖွံ့ဖြိုးတိုးတက်မှုတွေပိုကောင်းလာမှာပါ။ ကလေးက အဖျားအနာကင်း လာတော့ မိသားစုအနေနဲ့ အစားအစာနဲ့ အခြားအသုံးစရိတ်တွေအတွက်ငွေပိုသုံးလို့ ရတာပေါ့။ မိခင်နို့တိုက်တဲ့အကျိုးကျေးဇူးတွေက ဘယ်လောက်တိုက်လဲဆိုတဲ့အတိုင်းအဆ ပမာဏပေါ် မူတည်နေတယ်။ ကလေးငယ်ကို့မိခင်နို့ပိုတိုက်လေလေ၊ ကလေးအတွက် ပိုအကျိုးရှိလေလေပါဘဲ။

ကဲအခုမေမေတွေအနေနဲ့ ဘာတွေလုပ်နိုင်သလဲ

၁။မိခင်နို့နဲ့ နို့မှုန့်ရောနှောတိုက်ကျွေးတာ (Mixed Feeding) ကနေ မိခင်နို့ချည်းသက်သက်တိုက်ကျွေး တဲ့အဆင့်ကို ဖြေးဖြေးချင်းပြောင်းပါ။ ဒါမှသာ နို့ထွက်များလာပြီး နို့မှုန့်တိုက်ရတာလျော့လာမှာပါ။

၂။အဲလိုတိုက်တဲ့အခါတိုင်းမှာမေမေတို့အနေနဲ့မိခင်နို့ကိုအရင်တိုက်ပါ။ပြီးမှ နှို့မှုန့်တိုက်ပါ။

၃။မိခင်နို့ကို နေ့ရောညပါတိုက်ပါ။

၄။တစ်ကြိမ်နဲ့တစ်ကြိမ်ကြားမှာ ၃ နာရီထက်ပိုပြီးမကြာပါစေနဲ့။ မကြာခဏ နို့တိုက်ကျွေး တာက မေမေတို့နို့ထွက်တာကို အားကောင်းစေလိမ့်မယ်။

၅။အဲဒီလို နို့တိုက်ရင် ၂၄ နာရီအတွင်း မှာ ၃-၄ ကြိမ်ကနေ ၈ ကြိမ် (ဒါမှမဟုတ်) ဒါ့ထက် ပိုလာပါလိမ့်မယ်။ ရက်နည်းနည်းကြာလာရင်နို့ထွက်တာ များလာပါလိမ့်မယ်။ နို့တိုက်တိုင်း နို့မှုန့်ပမာဏလျော့လျော့သွားပါ။ မေမေနို့တိုက်တာများလာလေကလေးက ကျေနပ်ရောင့်ရဲလာပြီး နို့မှုန့်တောင်ထပ်လိုတော့မှာ မဟုတ်တော့ပါဘူး။

၆။ကနဦး ၅ ရက်လောက်အတွင်းမှာတော့ နို့ထွက်ကောင်းစေဖို့ မေမေတို့ရဲ့နို့ကို တနေ့မှာ ၄ – ၅ကြိမ်လောက် နှိပ်နယ်ပေးဖို့နဲ့ နို့ညှစ်ပေးဖို့လိုပါတယ်။

၇။ကလေးတွေဟာ တစ်ယောက်နဲ့တစ်ယောက်မတူကွဲပြားကြလို့ အချို့တွေအတွက် အကူးအပြောင်းကာလက မြန်တတ်ပေမယ့်အချို့တွေအတွက် နည်းနည်းပိုကြာတတ်ပါ တယ်။

၈။ကလေးရဲ့စားသုံးမှုပမာဏ၊ ဆီး နဲ့ဝမ်းအထွက်တွေကို မှတ်သားထားသင့်ပါတယ်။

၉။အကူးအပြောင်းကာလမှာ ကလေးရဲ့ ကိုယ်အလေးချိန်တိုးတာကို မှတ်သားရပါမယ်။

၁၀။အကူးအပြောင်းကိစ္စက မေမေတို့ရွေးချယ်တာဖြစ်ပြီးတော့ ရင်သွေးလေးတွေကို မိခင်နို့ပဲ တိုက်မယ်ဆိုတဲ့ကတိကဝတ် သို့မဟုတ် ယုံကြည်မှုပေါ်မှာလည်းမူတည်နေပါတယ်။

၁၁။အထူးသဖြင့် အရေးပေါ်အချိန်တွေမှာတောင် မေမေအများစုက မိခင်နို့တိုက်ဖို့ကို ကူးပြောင်းနိုင်ခဲ့ပါတယ်။ မိသားစုဆီက အပြုသဘောဆောင်တဲ့ အထောက်အပံ့တွေ ရရှိတာကလည်းမေမေတွေနဲ့ ကလေးတွေအတွက် အကူးအပြောင်း ကိုပိုမိုလွယ်ကူစေပါတယ်။

၁၂။အရေးပေါ်ကာလမှာ မိခင်နို့နဲ့ နို့မှုန့်ရောနှောတိုက်ကျွေးတာခံနေရတဲ့ ကလေးငယ်တွေက ဝမ်းလျှောရောဂါ၊ ရောဂါပိုးတွေနဲ့အာဟာရချို့တဲ့ဖို့ အန္တရာယ် ရှိတယ်လို ကမ္ဘာ့ကျန်းမာရေးအဖွဲ့ (WHO) ကဆိုပါတယ်။

မိခင်နို့တိုက်ကျွေးခြင်းနဲ့ပါတ်သက်လို့အချင်းချင်း အတွေ့အကြုံ ဗဟုသုတတွေ မျှဝေနိုင်ဖို့၊ အခက်အခဲတွေကို အတူတကွ ဖြေရှင်းနိုင်ဖို့မေ့မေ့ချိုချိုဆိုတဲ့ Group လေးလုပ်ထားပါတယ်။ လင့် လေးကိုနှိပ် Group Member တင်ဖို့ ဖိတ်ခေါ်ပါတယ်။ Member ဝင်တဲ့အခါ မေးခွန်းလေးတွေကိုဖြေပေးဖို့ မမေ့ပါနဲ့နော်။

မေမေ့ချိုချို Group ကို ဝင်ရန်။ http://bit.ly/maymaychocho