ရွှေထက်မက အဖိုးတန်တဲ့ မိခင်နို့ဦးရည်
မေမေတို့ရေ ဟိုးနှစ်ပေါင်းများစွာကတည်းကရှိခဲ့တဲ့လွဲမှားနေတဲ့ ရိုးရာဓလေ့တစ်ခုက ဘာလဲဆိုတော့ မိခင်နို့ဦးရည်ကို ကလေးကို မတိုက်ပဲ လွှင့်ပစ်ကြတာပါပဲ…
တကယ်တော့ ဒီလိုလွှင့်ပစ်ခံခဲ့ရတဲ့ မိခင်နို့ဦးရည်ဟာသားသားမီးမီးတို့အတွက် ရွှေထက်အဖိုးတန်ပါတယ်… နို့ဦးရည်ဆိုတာ ကလေးမီးဖွားပြီးပြီးချင်းထွက်တဲ့ ၀ါကျင့်ကျင့်အရောင်နဲ့ နို့ရည်ကြည်ပဲဖြစ်ပါတယ်… ဒါကို နို့အဖြူမဟုတ်လို့ မသန့်ဘူး၊ကလေးကိုမတိုက်သင့်ဘူးလို့ ယူဆပြီး စွန့်ပစ်တတ်ကြပါတယ်…
ကလေးငယ်လေးတွေ ရှင်သန်ရပ်တည်နိုင်ရေးအတွက် နို့ဦးရည်ကို လိုအပ်ပါတယ်…နို့ဦးရည်က မွေးကင်းစကလေးတွေအတွက် ရောဂါပေါင်းစုံကာကွယ်ဆေးအနေနဲ့အကျိုးကျေးဇူးတွေ ရှိစေပြီး ကလေးတွေကို ရောဂါ အန္တရာယ်တွေကနေ အကာအကွယ်တွေ ပေးပါတယ်…. နို့ဦးရည်ကအန္တရာယ်ရှိတဲ့ ဘက်တီးရီးယားတွေ ကလေးခန္ဓာကိုယ် ထဲကို ၀င်ရောက်တာကို ကလေးရဲ့အူလမ်းကြောင်းထဲမှာ တားဆီးကာကွယ်ပေးပါတယ်…. မွေးကင်းစကလေးငယ်တွေမှာအစာအိမ်က သေးသေးလေးပဲ ရှိနေသေးပြီးတော့ သူတို့ဗိုက်ဝဖို့ဆို နို့ဦးရေ နည်းနည်းလေးပဲ လိုအပ်ပါတယ်….
မွေးကင်းစ ကလေးငယ်တွေကို နို့မှုန့်အပါအဝင် အခြားအရည်တွေတိုက်ကျွေးမိတဲ့အခါမှာအဲဒီကာကွယ်ပေးမှုတွေက လျော့သွားပြီး ကလေးတွေမှာ ဝမ်းလျှောတာတွေ၊ ခန္ဓာကိုယ်ထဲ ရောဂါပိုးဝင်တာတွေ၊ဦးနှောက် အမြေးရောင်တာတွေ ဖြစ်စေနိုင်ပါတယ်… နို့ဦးရေထဲမှာ အန္တရာယ်ရှိတဲ့ဘက်တီးရီးယားနဲ့ ဗိုင်းရပ်စ်တွေကိုတိုက်ဖျက်ပေးတဲ့ အကာအကွယ်ဓါတ်တွေအ များကြီးပါနေပါတယ်… အဲဒါတွေကတော့
● ပဋိပစ္စည်းများ (သူတို့က ခန္ဓာကိုယ်ရဲ့ ခုခံစွမ်းအားစနစ်ကို ရောဂါပိုးဝင်လာတဲ့အကြောင်း အချက်ပေးပြီး ဘက်တီးရီးယား / ဗိုင်းရပ်စ်တွေရဲ့ တိုက်ခိုက်မှုကို သိရှိစေတယ်)
● သွေးဖြူဥ (တိုက်ခိုက်နေတဲ့ ဘက်တီးရီးယား / ဗိုင်းရပ်စ်တွေကိုချေဖျက်ခြင်းအားဖြင့်ရောဂါကူးစက်ခြင်းကနေ ခုခံကာကွယ်ပေးတယ်)
● ဓါတ်တိုးဆန့်ကျင်ပစ္စည်းများ ( အဲဒါတွေကဆဲလ်ပျက်စီးခြင်းကို ကာကွယ်တားဆီးပေးတယ် သိုမဟုတ်ဟုတ် ဆဲလ်ပျက်စီးခြင်းကို နှေးကွေးစေတယ်)
● ဗီတာမင်အေ (ကလေးရဲ့ ကိုယ်ခံအားစနစ်ကိုမြှင့်တင်ပေးတယ်)
● ကလေးကြီးထွားစေတဲ့ ဓါတ်တွေ (ပထမဆုံးရက်ကစလို့ကလေးရဲ့ကြီးထွားမှုနှုန်းကို မြှင့်တင်ပေးတယ်) ရောဂါဖြစ်စေတဲ့ ဘက်တီးရီးယားတွေကို
● လက်တိုဖာရင် ( ဘက်တီးယီးယားတွေ လိုအပ်တဲ့အာဟာရတွေမရအောင်ဖြတ်တောက်ပေးပြီးရောဂါဖြစ်စေတဲ့ ဘက်တီးရီးယားတွေကို ကြီးထွားပြန့်ပွားမှုကို ကာကွယ်ပေးတယ်)
နို့ဦးရေက အာဟာရပါဝင်နှုန်းမြင့်မားတဲ့အတွက်ပမာဏ နည်းနည်းလေးပဲ ရရင်တောင် ကလေးရဲ့ ဆာလောင်မွတ်သိပ်မှုကို ပြေပျောက်စေပြီး အာဟာရလိုအပ်ချက်များကို ပြည့်ဝစေပါတယ်… နို့မှုန့်အပါအဝင်၊ ရေနှင့် အခြားအရည်တွေကကလေးတွေအတွက် အရေးကြီးတဲ့ အပေါ်မှာပြောခဲ့တဲ့ အာဟာရမျိုးတွေ၊ အကျိုးကျေးဇူးတွေကို မရစေနိုင်ပါဘူး…
နို့ဦးရည်ကိုရရှိနိုင်ဖို့ မိခင်နို့ကို မွေးပြီးပြီးချင်း စောနိုင်သမျှစောစောတိုက်ကျွေးနိုင်ဖို့က အရေးကြီးပါတယ်… မိခင်နို့စောစောတိုက်နိိုင်ဖို့နည်းလမ်းလေးတွေကို ဒီဗွီဒီယိုလေးမှာ လေ့လာကြည့်လိုက်ပါ…
မိခင်နို့တိုက်ကျွေးခြင်းနဲ့ပါတ်သက်လို့အချင်းချင်း အတွေ့အကြုံ ဗဟုသုတတွေ မျှဝေနိုင်ဖို့၊ အခက်အခဲတွေကို အတူတကွ ဖြေရှင်းနိုင်ဖို့မေ့မေ့ချိုချိုဆိုတဲ့ Group လေးလုပ်ထားပါတယ်။ လင့် လေးကိုနှိပ် Group Member တင်ဖို့ ဖိတ်ခေါ်ပါတယ်။ Member ဝင်တဲ့အခါ မေးခွန်းလေးတွေကိုဖြေပေးဖို့ မမေ့ပါနဲ့နော်။
မေမေ့ချိုချို Group ကို ဝင်ရန်။ http://bit.ly/maymaychocho
