အရေပြားချင်းထိပေးခြင်း ဆိုတာဘာလဲ။ ဘာကြောင့်အရေးကြီးတာလဲ။
ဖေဖေ မေမေတို့ရေ… ဒီနေ့တော့ အရေပြားချင်းထိပေးတဲ့ (Skin-to-Skin Contact) အကြောင်း နည်းနည်းပြောပြမယ်နော်…အရေပြားချင်းထိပေးခြင်းဆိုတာ သားသားမီးမီးတို့ကို မွေးပြီးပြီးချင်း မေမေတို့ ကိုယ်ပေါ်အရေပြားချင်းထိပြီးတင်ထားပေးတာကိုဆိုလိုတာပါ… မေမေတို့အနေနဲ့ ကလေးမွေးဖွားပေးတဲ့ ကျန်းမာရေးဝန်ထမ်းကိုကလေးကိုမွေးပြီးပြီးချင်း ဗိုက်ပေါ် ဒါမှမဟုတ် ရင်ဘတ်ပေါ် တင်ပေးပြီးနို့မြန်မြန်စို့နိုင်အောင် ကူညီလုပ်ဆောင်ပေးဖို့ ကြိုပြောပြထားဖို့လိုပါမယ်… အသားချင်းထိပေးတာကိုဖြစ်နိုင်ရင် ၂ နာရီလောက် ထားပေးနိုင်ရင် ကောင်းပါတယ်… အသားချင်းထိထားပေးရင်းနဲ့ပဲမွေးပြီး ၁ နာရီအတွင်း မိခင်နို့ တိုက်ပေးရပါမယ်… အဲလိုတိုက်ပေးနိုင်ရင် ကလေးမှာဖြစ်ပွါးမှုလျော့ကျစေတဲ့အပြင် မေမေနဲ့ ကလေးကို စိတ်တည်ငြိမ်စေမယ်… သားသားမီးမီး တို့ကိုလည်းနွေးထွေးမှုရှိစေမယ်… ဦးနှောက်ဖွံ့ဖြိုးမှုကို အားပေးတယ်… ကလေးနဲ့အမေကိုစိတ်ဖိစီးမှု သက်သာစေတယ်… သားသားမီးမီးတို့ အတွက်လိုအပ်တဲ့ နို့ရည်ကိုစောစောစီးစီး ထုတ်ပေးနိုင်ပါတယ်… အရေးကြီးဆုံးအချက်ကတော့ မိခင်ဝမ်းကြာတိုက်ကနေအပြင်ကမ္ဘာကို ကူးပြောင်းပေးတဲ့ ကာလမှာ အသားချင်းထိပေးခြင်းက ကူညီပေးပါတယ်….
နောက်ပိုင်းရက်တွေမှာ အသားချင်းထိပေးတာလည်း မိခင်နို့များများထွက်ဖို့ကိုကူညီပေးပါတယ်… ဒါကြောင့် အသားချင်းထိတာကို ကိုယ့်အိမ်မှာ ကိုယ် နောက်ပိုင်းရက်တွေမှာလည်းလုပ်ပေးသင့်ပါတယ်…
Skin-to-Skin ဘယ်လိုလုပ်ရမလဲ ဒီဗွီဒီယီုလေးမှာ လေ့လာကြည့်လို့ရပါတယ်… ဒီဗွီဒီယိုမှာတော့ ပုံမှန်ထက်သေးငယ်တဲ့ ကလေးတွေကိုပြထားပေမယ့် ပုံမှန်ကလေးတွေကိုလည်း လုပ်ပေးသင့်ပါတယ်…
မြန်မာနိုင်ငံမှာ ဒီလို မေမေနဲ့ ဘေဘီလေးတွေ အသားချင်းထိတာကို သိပ်မလုပ်ဖြစ်ကြတော့အဲဒီက ရမယ့် အကျိုးကျေးဇူးတွေကို ရသင့်ပါလျှက်နဲ့ မရပဲ ဆုံးရှုံးနေကြရပါတယ်..
မိခင်နို့တိုက်ကျွေးခြင်းနဲ့ပါတ်သက်လို့ အချင်းချင်းအတွေ့အကြုံ ဗဟုသုတတွေမျှဝေနိုင်ဖို့၊ အခက်အခဲတွေကို အတူတကွဖြေရှင်းနိုင်ဖို့ မေ့မေ့ချိုချိုဆိုတဲ့Group လေးလုပ်ထားပါတယ်။လင့်လေးကိုနှိပ် GroupMember တင်ဖို့ ဖိတ်ခေါ်ပါတယ်…. Member ဝင်တဲ့အခါမေးခွန်းလေးတွေကိုဖြေပေးဖို့မမေ့ပါနဲ့နော်….
မေမေ့ချိုချို Group ကို ဝင်ရန်။ http://bit.ly/maymaychocho
