မိခင်နို့နှင့် အခြားအရာများရောနှောကျွေးမွေးခြင်း Mixed feeding

ဖေဖေမေမေတို့ရေ… ဒီနေ့ပြောပြချင်တာကတော့ Mixed Feeding လို့ခေါ်တဲ့မိခင်နို့နဲ့ တခြားအရာများ ရော‌နှောကျွေးမွေးခြင်းအကြောင်းလေးပါ… Mixed Feeding ဆိုတာ မိခင်နို့နဲ့ နို့မှုန့် သို့မဟုတ် ရေ၊တခြားအစားအစာနဲ့ အရည်တွေ ရော‌နှော ကျွေးမွေးခြင်းကို ဆိုလိုပါတယ်… Mixed Feeding လုပ်တာရော အိုကေရဲ့လား…

ဒီလိုရောနှောကျွေးတာရဲ့အန္တရာယ်ဟာ အရင်ရက်ပိုင်းက မျှဝေခဲ့တဲ့ မိခင်နို့မရတဲ့ ကလေးတွေ ဖြစ်တတ်တဲ့အန္တရာယ်တွေနဲ့ အတူတူပဲ ဖြစ်ပါတယ်…. အောက်ကလင့်မှာ ရှာဖတ်ကြည့်လို့ရပါတယ်…

fb://photo/1503231806678606?set=a.983193882015737&sfnsn=mo

ဒီလိုအကြောင်းတွေပြောရတာ တစ်ခါတစ်လေ အချို့အကြောင်းအမျိုးမျိုးကြောင့် မိခင်နို့မတိုက်ဖြစ်တဲ့ မေမေတွေကို စိတ်မကောင်းဖြစ်စေတတ်တာမျိုးမိုလို့ အဲ့လိုရည်ရွယ်ချက်မျိုး လုံးဝမရှိတဲ့အကြောင်း ပြောပါရစေ… ဒါပေမယ့် မှန်ကန်တဲ့သတင်းအချက်အလက်ဗဟုသုတတွေကို မျှဝေလိုတဲ့ စေတနာမှန်နဲ့ပဲ ဆက်လက်မျှဝေပေးနေတာ ဖြစ်ပါတယ်… မိဘတွေဟာသူတို့သားသမီးတွေ အတွက် ဘာတိုက်ကျွေးမယ်ဆိုတာ ရွေးချယ်ခွင့်ရှိပေမယ့်ကို ယ်တိုက်ကျွေးမယ့် အရာမှာပါတဲ့ ပါဝင်ပစ္စည်းတွေနဲ့ ပတ်သက်တဲ့ ဗဟုသုတတော့ ရှိထားသင့်ပါတယ်… အကောင်းအဆိုးကို သေချာနားလည်ပြီးမှ မိမိအတွက် အဆင်ပြေဆုံးဖြစ်မယ့် နည်းလမ်းကို ရွေးချယ်တဲ့အခါ ကိုယ်ဘာကိုပဲ ရွေးချယ်ရွေးချယ် စိတ်မကောင်းဖြစ်ရတာမျိုး၊နောင်တရတာမျိုး မဖြစ်တော့ဘူးပေါ့…

Mixed Feeding လုပ်တဲ့အခါ မိခင်နို့မရတဲ့ ကလေးတွေ ဖြစ်တတ်တဲ့ အန္တရာယ်တွေအပြင် ဘာတွေသိထားသင့်သေးသလဲဆိုရင် ….

၁။မသန့်ရှင်းမှုကြောင့် ဝမ်းလျှောဝမ်းပျက် ခဏခဏဖြစ်တတ်သလို ဖြစ်လိုက်ရင်လည်းပြင်းထန်တတ်ပါတယ်။

၂။အာဟာရချို့တဲ့တာ ပိုဖြစ်စေပါတယ်…

၃။မိခင်နို့စို့တာနည်းလာလို့ တခြားစားစရာတွေ ပိုကျွေးဖြစ်လာမယ်… ဒါဆိုရင်မိခင်နို့ကရနိုင်မယ့် အဖိုးတန်အာဟာရတွေကို မရတော့ပါဘူး…

၄။ ၆ လအောက်ကလေးတွေကို ကျွေးဖြစ်တဲ့ အစားအသောက် အများစုက အာဟာရဓာတ် မပြည့်တာများပါတယ်…

၅။မိခင်နို့တိုက်တဲ့ အကြိမ်ရေ နည်းလာတဲ့အတွက် မိခင်ထုတ်လုပ်မှုလည်းလျော့ကျလာလိမ့်မယ်… မိခင်နို့မလောက်လို့ ဒီဟာတွေကို ကျွေးရတာပါဆိုတဲ့မေမေတွေအတွက် သတိချပ်စရာပါ…

ကလေးနို့မှုန့်တွေဆိုတာဂျုံ၊ ပြောင်း ၊ သဘာဝမဟုတ်တဲ့ ပြုပြင်ထားတဲ့ ဆီ၊ နွားနို့ ဆိတ်နို့က ရတဲ့ အသားဓာတ်တွေနဲ့ ပြုပြင်ထားတဲ့ အရာတွေဖြစ်ပါတယ်…နွားနို့ ဆိတ်နို့ ကရတဲ့ အသားဓာတ်တွေဆိုတာ ကလေးတွေအတွက် အစာကြေဖို့ ခက်ခဲပါတယ်… ဝမ်းချုပ်တာလည်းဖြစ်စေပါတယ်… သံဓာတ်တွေပါဝင်မှုများနေလို့ ကလေးတွေ အတွက် မကောင်းတဲ့ပိုး ပေါက်ပွားမှုတိုးစေပါတယ်…ပါဝင်တဲ့ ဗီတာမင်၊ သတ္ထုဓာတ်တွေ ဟာလည်း သဘာဝကရတာမဟုတ်တဲ့အတွက် စုပ်ယူမှုချေဖျက်မှုနဲ့ အသုံးပြုမှု အားနည်း‌စေပါတယ်….

တချို့မိခင်တွေက မိခင်နို့က အကောင်းဆုံးမှန်း သိပေမယ့် သူတို့ကလေးတွေကို နို့ဘူးတိုက်ကြရတာ ရှိပါတယ်… ဘယ်လိုအခြေအနေတွေက မေမေတွေ နို့ဘူးကိုရွေးချယ်ရစေတာလဲ… မိခင်နို့တိုက်ဖို့ သူတို့ကို ဘယ်လို အကူအညီတွေ ပေးနိုင်မလဲ… မိခင်နို့တိုက်နိုင်အောင်ကူညီပေးတာဟာ မိခင်ကို ထိခိုက်နစ်နာမှု ရှိစေနိုင်သလား… ဒီမေးခွန်းလေးတွေနဲ့ ပါတ်သက်လို့မိမိရဲ့ အမြင်ကို ဆွေးနွေးပေးပါဦးနော်…

မိဘတိုင်းက မိမိတို့ရဲ့ ရင်သွေးတွေကိုအကောင်းဆုံးဆိုတာကိုပဲ ပေးချင်ကြပါတယ်… တစ်ခါတစ်လေ မိခင်နို့ရဲ့ကောင်းကျိုးတွေနဲ့ အခြားအရာတွေရဲ့ အန္တရာယ်ကို နှိုင်းယှဥ်ဆွေးနွေးတာတွေကိုမြင်ရတဲ့အခါ အကြောင်းအမျိုးမျိုးကြောင့် မိခင်နို့ အပြည့်အဝမတိုက်နိုင်တဲ့မေမေအတွက် ဝမ်းနည်းစရာမျိုးဖြစ်ရတာ တကယ်ကိုပဲ စိတ်မကောင်းဖြစ်ရပါတယ်…အမှန်တကယ်တော့ မိခင်နို့ တိုက်ကျွေးတာအောင်မြင်ဖို့အတွက် ထောက်တိုင်ကြီး (၃)ခုလိုအပ်အပါတယ်… အဲ့တာတွေက Protect (မိခင်နို့တိုက်ကျွေးခြင်းကိုအကာအကွယ်ပေးဖို့)၊ Promote (မိခင်နို့တိုက်ကျွေးခြင်းကို မြှင့်တင်ဖို့) နှင့် Support (လိုအပ်တဲ့အကူအညီအထောက်အပံ့တွေ ပေးဖို့) တို့ပဲဖြစ်ပါတယ်…. များသောအားဖြင့် Support ဆိုတဲ့ ထောက်တိုင်ကအားနည်းနေတာဖြစ်တဲ့အတွက် တကယ်တမ်း မေမေတွေ မိခင်နို့တိုက်ကျွေးတာနဲ့ပတ်သက်လို့အခက်အခဲ ကြုံလာတဲ့အခါ နည်းလမ်းမှန်တဲ့ အကူအညီတွေကို ဘယ်မှာ ရယူရမယ်ဆိုတာ မသိတဲ့အခြေအနေတွေ ကြုံနေကြရပါတယ်… ဒီလိုအနေခြေအနေတွေကြုံလာရရင် မေမေတွေမှာမိခင်နို့ပဲတိုက်ချင်ပေမယ့် အခြားအရာတွေကို ဝမ်းနည်းစွာနဲ့ပဲ ရွေးချယ်လိုက်ရတာတွေရှိနေတယ်ဆိုတာ နားလည်ထားပါတယ်… ဒါကြောင့်မို့မိခင်နို့တိုက်ကျွေးခြင်းနဲ့ပါတ်သက်လို့ အချင်းချင်းအတွေ့အကြုံ ဗဟုသုတတွေမျှဝေနိုင်ဖို့၊ အခက်အခဲတွေကို အတူတကွဖြေရှင်းနိုင်ဖို့ မေ့မေ့ချိုချိုဆိုတဲ့Group လေးလုပ်ထားပါတယ်။လင့်လေးကိုနှိပ် Group Member ဝင်ဖို့ ဖိတ်ခေါ်ပါတယ်…. Member ဝင်တဲ့အခါမေးခွန်းလေးတွေကိုဖြေပေးဖို့မမေ့ပါနဲ့နော်….

မေမေ့ချိုချို Group ကို ဝင်ရန်။ http://bit.ly/maymaychocho