ကလေးကဘယ်တော့မှ ကောင်းကောင်းအိပ်မှာလဲ
မေမေတို့ပူပန်လေ့ရှိကြတဲ့ ကိစ္စတစ်ခုက ဘေဘီလေးတွေ ဘယ်တော့များမှ ကောင်းကောင်း အိပ်မလဲပေါ့။
ကလေး တော်တော်များများကတော့ ညတစ်ညလုံး အိပ်ပျော်ဖို့ဆိုရင် အသက်တော်တော် ကြီးမှ ရပါလိမ့်မယ်။ အိပ်ပျော်တဲ့ ပုံစံတွေက ကလေးတစ်ယောက်နဲ့ တစ်ယောက်မတူနိုင်ပါဘူး။ အချို့ကလေးတွေကပဲ အစောပိုင်းလတွေမှာ တစ်ညလုံးအိပ်တတ်ကြပေမယ့် ကလေးအများစုကတော့ ညဘက်မှာ နို့စို့ဖို့ အိပ်ရာက နိုးကြပါသေးတယ်။ကလေးလေးတွေရဲ့ အစာအိမ်အရွယ်အစားက လူကြီးတွေထက်သေးတာကြောင့် နို့အလုံအလောက်ရဖို့၊ ကြီးထွားဖွံ့ဖြိုးလာစေဖို့ မကြာခဏ မိခင်နို့တိုက်ဖို့ လိုအပ်ပါတယ်။ တကယ်လို့ ကလေးက အစောပိုင်းလတွေမှာ ညဘက် တစ်ညလုံးအိပ်နေခဲ့ရင် နို့စို့တာနည်းလို့ တချို့ကလေးငယ်တွေအတွက် ကိုယ်အလေးချိန်တိုးတာ နှေးစေနိုင်ပါတယ်။ ဒီနေ့ခေတ်မှာ ကလေးအိပ်တာကို ကျင့်ပေးတာတွေရှိနေပါပြီ။
အားလုံးနားလည်ထားတာက မေမေအားလုံး အိပ်ချင်ကြတယ်။ ဒါပေမယ့် ကလေးတွေရဲ့ခန္ဓာကိုယ်ကျတော့ လူကြီးတွေနဲ့ တူမနေပါဘူး။ ကလေးတွေ အစာအိမ်ကသေးတော့ မကြာခဏနို့တိုက်ရတယ်။ ညဘက်တောင် တိုက်ရပါတယ်။ ဒါမှသာ သင့်တင့်တဲ့ကြီးထွားမှုနဲ့ကိုယ်အလေးချိန်တွေအတွက် အာဟာရ လုံလုံလောက်လောက် ရစေမှာပါ။ တချို့ကိစ္စတွေမှာကတော့ မေမေတွေက ဘေဘီလေးတွေကို အကျင့်လုပ် အိပ်စက်ခြင်း လုပ်ပေးတဲ့အခါကျတော့ ကလေးငယ်တွေက ကိုယ်အလေးချိန် မတက်တော့တာ၊ တစ်ဖြည်းဖြည်းပဲ အလေးချိန်တက်တော့တာတွေ ဖြစ်လာပါတယ်။ ညအချိန်မှာ မိခင်နို့မတိုက်ပါနဲ့ဆိုတဲ့ အကြံညဏ်တွေက မေမေတို့ကို မိခင်နို့ အထွက်နည်းစေပါတယ်။ လုံခြုံစိတ်ချရတဲ့ အိမ်တွေရှိတဲ့အနောက်နိုင်ငံတွေ ဒါမှမဟုတ် သူတို့လူမှုအသိုင်းအဝိုင်းတွေမှာ ကလေးကို သပ်သပ်ခွဲပြီး အိပ်စေတာက လုံခြုံမှုပြသနာမရှိပါဘူး။ မြန်မာပြည်မှာတော့ အိမ်အများစုက တံခါးတွေဖွင့်ထားမယ်၊ တိရိစ္ဆာန်တွေနဲ့ ကြွက်၊ ပိုးဟပ်၊ မြွေ၊ အင်းဆက်ပိုးမွှားများတွေနဲ့ထိတွေ့နေနိုင်ပါတယ်။ ဒါကြောင့်ကလေးငယ်တွေကို မေမေတွေနဲ့ ခွဲထားပြီး တစ်ယောက်တည်း သိပ်တာမျိုးလုပ်မယ်ဆိုရင် ကလေးငယ်အတွက် အန္တရာယ်ကင်းတဲ့၊လုံခြုံတဲ့ ပတ်ဝန်းကျင်ရှိစေဖို့ ဖန်တီးပေးဖို့ရန် အလွန် အရးကြီးပါတယ်။
မိခင်နို့တိုက်ကျွေးခြင်းနဲ့ပါတ်သက်လို့အချင်းချင်းအတွေ့အကြုံ ဗဟုသုတတွေ မျှဝေနိုင်ဖို့၊ အခက်အခဲတွေကို အတူတကွ ဖြေရှင်းနိုင်ဖို့မေ့မေ့ချိုချိုဆိုတဲ့ Group လေးလုပ်ထားပါတယ်။ လင့် လေးကိုနှိပ် Group Member ဝင်ဖို့ဖိတ်ခေါ်ပါတယ်။ Member ဝင်တဲ့အခါ မေးခွန်းလေးတွေကိုဖြေပေးဖို့မမေ့ပါနဲ့နော်။
မေမေ့ချိုချိုGroup ကို ဝင်ရန်။ http://bit.ly/maymaychocho
