ကလေးငယ်ရဲ့မွေးစရက်သတ္တပတ်တွေမှာ အသားဝါဖြစ်တာတွေကို ဘယ်လို ကာကွယ်ကြမလဲ

ကလေးငယ်ရဲ့မွေးစရက်သတ္တပတ်တွေမှာ အသားဝါဖြစ်တာတွေကို ဘယ်လို ကာကွယ်ကြမလဲ

အသားဝါရတဲ့ အကြောင်းရင်းခံတွေကတော့ အများကြီးရှိပါလိမ့်မယ်။

အဲဒါတွေကတော့ ကလေးလမစေ့ဘဲမွေးလာတာ၊ ကလေးက နေမကောင်းတာ၊ ဖေဖေ၊ မေမေတို့ရဲ့အေ၊ဘီ၊အို စတဲ့ သွေးအုပ်စု တွေနဲ့ သဟဇာတမဖြစ်တာ၊ ကလေးက ခက်ခက်ခဲခဲ မွေးဖွားခဲ့ရလို့ ကလေးငယ်တွေမှာအရေပြား ဒဏ်ရာရှိတာမျိုးတွေ စတဲ့ အခြေအနေတွေပေါ့။

အသားဝါတာကို ကာကွယ်နိုင်တဲ့နည်းတွေကို အောက်ပါအတိုင်းအကြံပြုမျှဝေပေးပါရစေ။

၁။ မေမေတို့ရဲ့ နို့ဦးရည်က သားသားမီးမီးတို့ကို ရောဂါတွေ/ ဖျားနာမှုတွေကနေ ကာကွယ်ပေးတဲ့နည်းတူ ကလေးငယ်ရဲ့ အစာအိမ်အူလမ်းကြောင်းအတွင်းက ငယ်ချီး (ငယ်ချေး) တွေကိုလည်း ဖယ်ရှားပေးတဲ့ ဝမ်းပျော့ဆေး တစ်မျိုးရဲ့ တာဝန်တွေကိုလည်း ဆောင်ရွက်ပေးပါတယ်။ နို့ဦးရည်က ကလေးရဲ့ ဝမ်းသွားမှုနဲ့ ပတ်သက်လို့လည်း အကူအညီတွေ ပေးပြန်ပါတယ်။ဝမ်းသွားတာမှန်လေ ကလေးအတွက် ကောင်းလေလေ ပါပဲ။

၂။ မိခင်နို့ တိုက်ဖို့ကို ကလေးမွေးပြီးပြီးချင်းစောနိုင်သမျှ စော‌စော တိုက်ရပါမယ်။ပထမနာရီအတွင်း မိခင်နို့တိုက်ကျွေးခြင်းက ကလေးအသားမဝါဖို့ ကာကွယ်ပေးတဲ့ နို့ဦးရည်ကို ရစေပါတယ်။

၃။ မကြာခဏ နို့တိုက်ပါ။ ကလေးဆာတိုင်းနို့တိုက်ပေးပါ။

၄။ နေ့ရောညပါ နို့တိုက်ပါ။ အနည်းဆုံး ၈ကြိမ်မှ ၁၂ ကြိမ်အထိ မိခင်နို့တိုက်ကျွေးပါ။

၅။ နို့တိုက်ခြင်းက မေ့မေ့နို့တွေ နို့ရည်တွေနဲ့တင်းပြီး မာနေတာ ကို ကာကွယ်ပေးတဲ့အပြင် ကလေးငယ်တွေ နို့ကို ထိထိရောက်ရောက် စို့နိုင်ဖို့အတွက်လည်း အထောက်အကူပြုပေးပါတယ်။

၇။ မေမေတို့အနေနဲ့ ကလေးကို မှန်ကန်တဲ့ပုံစံနဲ့ပိုက်ထွေးထားဖို့လိုပါမယ်။ ထွေးပွေ့တဲ့ ပုံစံမမှန်ခဲ့ရင်၊ ကလေး အနေအထားမမှန်ခဲ့ရင် ကလေးက နို့ရတာ နည်းနေပါလိမ့်မယ်။ မိခင်နဲ့ထိစပ်မှုကောင်းအောင်(နို့ငုံမှုကောင်းအောင်) ဘယ်လိုလုပ်ရမလဲ ဒီအောက်က လင့်က ဗွီဒီယိုလေးမှာလေ့လာကြည့်နိုင်ပါတယ်။ https://fb.watch/5vMXuqUcDT/

အနေအထားမှန်မှန်ကန်ကန်နို့တိုက်နိုင်ဖို့ဒီလင့်က ဗွီဒီယိုလေးမှာ လေ့လာကြည့်ပါနော်။ https://fb.watch/5vMTyXu9b7/

၈။ ကျန်းမာရေးဝန်ထမ်းတွေက မညွှန်ကြားဘဲ နို့မှုန့်တွေ (ဖော်မြူလာ) တွေကို မပေးရပါဘူး။

အထူးသတိပြုရန် အနေနဲ့ကတော့နနွင်း (ဆနွင်း) ကို ကလေးငယ်ရဲ့ ဒါမှမဟုတ် မေမေတို့ရဲ့ အရေပြားပေါ်မှာမလိမ်းပါနဲ့။ ကလေးကသာအသားဝါ နေခဲ့ရင် အဲဒီဆနွင်းရဲ့ အဝါရောင်က ဖုံးကွယ်ထားနိုင်တော့ မသိမှာစိုးလို့ပါ။

မိခင်နို့တိုက်ကျွေးခြင်းနဲ့ပါတ်သက်လို့အချင်းချင်း အတွေ့အကြုံ ဗဟုသုတတွေ မျှဝေနိုင်ဖို့၊ အခက်အခဲတွေကို အတူတကွ ဖြေရှင်းနိုင်ဖို့မေ့မေ့ချိုချိုဆိုတဲ့ Group လေးလုပ်ထားပါတယ်။ လင့် လေးကိုနှိပ် Group Member တင်ဖို့ ဖိတ်ခေါ်ပါတယ်။ Member ဝင်တဲ့အခါ မေးခွန်းလေးတွေကိုဖြေပေးဖို့ မမေ့ပါနဲ့နော်။

မေမေ့ချိုချို Group ကို ဝင်ရန်။ http://bit.ly/maymaychocho