အရေပြားချင်းထိပေးခြင်း ဆိုတာဘာလဲ
အရေပြားချင်းထိပေးခြင်း ဆိုတာဘာလဲ။ ဘာကြောင့်အရေးကြီးတာလဲ။
ဖေဖေ မေမေတို့ရေ… ဒီနေ့တော့ အရေပြားချင်းထိပေးတဲ့ (Skin-to-Skin Contact) အကြောင်း နည်းနည်းပြောပြမယ်နော်…အရေပြားချင်းထိပေးခြင်းဆိုတာ သားသားမီးမီးတို့ကို မွေးပြီးပြီးချင်း မေမေတို့ ခန္ဓာကိုယ်ပေါ် အရေပြားချင်းထိပြီး တင်ထားပေးတာကိုဆိုလိုတာပါ… မေမေတို့အနေနဲ့ ကလေးမွေးဖွားပေးတဲ့ ကျန်းမာရေးဝန်ထမ်းကို ကလေးကိုမွေးပြီးပြီးချင်း ဗိုက်ပေါ် ဒါမှမဟုတ် ရင်ဘတ်ပေါ် တင်ပေးပြီ းနို့မြန်မြန်စို့နိုင်အောင် ကူညီလုပ်ဆောင်ပေးဖို့ ကြိုပြောပြထားဖို့လိုပါမယ်… အသားချင်းထိပေးတာကိုဖြစ်နိုင်ရင် ၂ နာရီလောက် ထားပေးနိုင်ရင် ကောင်းပါတယ်… အသားချင်း ထိထားပေးရင်းနဲ့ပဲ မွေးပြီး ၁ နာရီအတွင်း မိခင်နို့ တိုက်ပေးရပါမယ်… အဲလိုတိုက်ပေးနိုင်မယ်ဆိုရင် မေမေနဲ့ ကလေးကို စိတ်တည်ငြိမ်စေမယ်… သားသားမီးမီး တို့ကိုလည်းနွေးထွေးမှုရှိစေမယ်… ဦးနှောက်ဖွံ့ဖြိုးမှုကိုလည်း အားပေးတယ်… ကလေးနဲ့အမေကို စိတ်ဖိစီးမှု သက်သာစေတယ်… သားသားမီးမီးတို့အတွက် လိုအပ်တဲ့ နို့ရည်ကို စောစောစီးစီလည်း ထုတ်ပေးနိုင်ပါတယ်… မိခင်ဝမ်းကြာတိုက်ကနေ အပြင်ကမ္ဘာကို ကူးပြောင်းပေးတဲ့ ကာလမှာ အသားချင်းထိပေးခြင်းဟာ အရေးပါတဲ့နေရာကနေ ပါဝင်နေပါတယ်….
နောက်ပိုင်းရက်တွေမှာလည်း အသားချင်းထိပေးတာကို လုပ်ပေးမယ်ဆိုရင် မိခင်နို့များများထွက်ဖို့ကို ကူညီပေးပါတယ်… ဒါကြောင့် အသားချင်းထိတာကို ကိုယ့်အိမ်မှာကိုယ် နောက်ပိုင်းရက်တွေမှာလည်း ဆက်ပြီး လုပ်ပေးသင့်ပါတယ်…
မြန်မာနိုင်ငံမှာ ဒီလို မေမေနဲ့ ဘေဘီလေးတွေ အသားချင်းထိတာကို သိပ်မလုပ်ဖြစ်ကြတော့ အဲဒီက ရမယ့် အကျိုးကျေးဇူးတွေကို ရသင့်ပါလျှက်နဲ့ မရပဲ ဆုံးရှုံးနေကြရပါတယ်… ဒါကြောင့် မွေးပြီးတဲ့အခါ အသားချင်းထိကပ်ပေးခြင်းကို လုပ်ဆောင်ပေးသင့်ပါကြောင်း တင်ပြလိုက်ပါတယ်။
မိခင်နို့တိုက်ကျွေးခြင်းနဲ့ပါတ်သက်လို့ အချင်းချင်းအတွေ့အကြုံ ဗဟုသုတတွေမျှဝေနိုင်ဖို့၊ အခက်အခဲတွေကို အတူတကွဖြေရှင်းနိုင်ဖို့ မေ့မေ့ချိုချိုဆိုတဲ့Group လေးလုပ်ထားပါတယ်။လင့်လေးကိုနှိပ် GroupMember တင်ဖို့ ဖိတ်ခေါ်ပါတယ်…. Member ဝင်တဲ့အခါမေးခွန်းလေးတွေကိုဖြေပေးဖို့မမေ့ပါနဲ့နော်….
မေမေ့ချိုချို Group ကို ဝင်ရန်။ http://bit.ly/maymaychocho
