ကလေး မိခင်နို့ ပြည့်ပြည့်ဝဝ ရအောင် မိခင်က ဘာလုပ်ပေးသင့်သလဲ
ကလေးကို မိခင်နှင့် နီးကပ်စွာ ထားပါ။ ကလေးကို နွေးထွေးစွာ ပွေ့ချီပါ။
အကယ်၍ ကလေးက နို့တိုက်မရအောင် ငိုက်မြည်းနေလျှင်၎င်း၊ မိခင်က သောက်ဆေးတစ်ခုခု သောက်ထားလျှင်သော်၎င်း၊ ထိုအခြေအနေသည် ကလေးကို ထိခိုက်မှု ရှိ/မရှိ ဆရာဝန်နှင့် မေးမြန်းပါ။
မိခင်သည် မိမိ ချုပ်ရိုးမှ နာကျင်မှုသည် မခံမရပ်နိုင်အောင် ဖြစ်နေပါက ဆရာဝန်နှင့် ပြသဆွေးနွေးပါ။
အကယ်၍ ဆေးရုံ၌ ကလေးနို့တိုက်ချိန်တွင် မိခင်အနေဖြင့် အများ မမြင်လိုလျှင်၊ ရှက်တတ်လျှင် ကုတင်လိုက်ကာကို အသုံးပြုပါ။
မိခင်သည် ကလေးအား နို့ချိုစစတိုက်ခြင်း နို့ စထွက်အောင် ရင်သားကို ညင်သာစွာ နှိပ်နယ်ပေးနိုင်ပါသည်။
ကလေး၏ အစာအိမ်နှင့် ဝမ်းဗိုက်သည် အစာပမာဏ အများကြီးကို လက်ခံ နိုင်စွမ်း မရှိသောကြောင့် နည်းနည်းနှင့် မကြာခဏ တိုက်ပေးရန် မမေ့ပါနှင့်။
- ကလေးသည် မိခင်နို့ကို လုံလောက်စွာ ရနေပြီဖြစ်ကြောင်း မိခင်က မည်သို့ သိနိုင်သလဲ။
အောက်ဖော်ပြပါ အချက်များသည် သင့်ကလေးသည် မိခင်နို့ချိုကို လုံလောက်စွာ ရပြီး ဖြစ်ကြောင်း သိနိုင်သော အချက်များဖြစ်သည်။
ကလေးကို မိခင်နို့ကို ကောင်းမွန်စွာနှင့် မကြာခဏ စို့နိုင်သည်။
အနှီး (သို့) သေးစိုခံသည် တစ်နေ့တွင် ၅ထည်-၆ထည်မျှ စို၍ လဲလှယ်ပေးရသည်။
တစ်နေ့တာအတွင်း ဝမ်းပျော့ပျော့ ၃ကြိမ်နှင့် အထက် သွားသည်။
ကလေး၏ ကိုယ်အလေးချိန်သည် တဖြည်းဖြည်း တက်လာသည်။ အမြဲတမ်း တက်ကြွစွာ လှုပ်ရှားသည်။ ကလေးသည် ပျော်ရွှင်နေသည်။
- မိခင်သည် နို့ရည်များများထွက်အောင် ဘယ်လိုလုပ်ရမလဲ။
အကယ်၍ မိခင်က သူမ၏ နို့ထွက်နည်းသည်ဟု ယူဆလျှင်
ကလေးကို အရင်ကထက် ပို၍ နို့ချိုတိုက်ကျွေးပါ။
ပထမရက် အနည်းငယ်အတွင်း မိခင်သည် နို့များများ မထွက်လျှင် စိတ်မပူပါနှင့်။
မိမိရင်သွေးငယ်ကို တတ်နိုင်သမျှ ကိုယ်နှင့် ထိတွေ့ပွေ့ချီထားပေးပါ။
