Nursing Strikes ဆိုတာဘာလဲ
လူကြီးတွေတင် ဆန္ဒပြတတ်တာ မဟုတ်ဘူးနော်။ ဘေဘီလေးတွေလည် းဆန္ဒပြတတ်ကြပါတယ်။ မိခင်နို့စို့ဖို့ ကလေးက ဆန္ဒပြတဲ့အခြေအနေ (Nursing Strikes) တွေရှိတတ်တယ်။အဲဒါက ဘာပါလဲဆိုတာ နည်းနည်းဆွေးနွေးပေးပါမယ်။
Nursing Strikes ဆိုတာ ကလေးက မိခင်နို့စို့ဖို့ကို ရုတ်တရက်ငြင်းဆန်တဲ့အခြေအနေမျိုး ဖြစ်ပါတယ်။ ဒီဟာက မိခင်တွေအတွက် အနှောက်အယှက် ဖြစ်တတ်ပါတယ်။ ဒါက ရက်ပေါင်းများစွာ သို့ မိခင်နို့တိုက်ကျွေးမှု အကြိမ်ပေါင်းများစွာ ကြာနိုင်ပါတယ်။
ဒါ့အပြင် ကလေးနဲ့မေမေတွေအတွက် စိတ်ဖိစီးမှု အလွန်များစေနိုင်ပါတယ်။
ကလေးကောင်းကောင်းနေမကောင်းလို့၊ နှာစေးနှာပိတ်လို့၊ ဝမ်းချုပ်လို့၊ ဝမ်းလျှောလို့၊ကလေးရဲ့ပတ်ဝန်းကျင်/အချိန်ဇယားပြောင်းလဲလိုက်လို့၊ ကလေးကိုပြုစု စောင့်ရှောက်တဲ့ သူပြောင်းသွားလို့၊ သွားပေါက်လို့ စတဲ့ အကြောင်းရင်းတွေကြောင့်ကလေးက မိခင်နို့စို့ဖို့ ငြင်းဆန်တဲ့ အခြေအနေတွေ ဖြစ်ပေါ်တတ်ပါတယ်။
တခြားအကြောင်းရင်းတွေလည်းရှိပါသေးတယ်။အဲဒါတွေကတော့မေမေတို့ ဓမ္မတာ သွေး လာတာ၊ မေမေတို့စားတဲ့အစားအစာကြောင့်၊ ဒါမှမဟုတ်ဆေးဝါးကြောင့်၊ရေမွှေး၊ ဆပ်ပြာ၊ ပေါင်ဒါမှုန့်တို့ကြောင့်လည်း ဖြစ်နိုင်ပါတယ်။ အကြောင်းရင်းက ဘာမှန်းမသိရတဲ့ အကြိမ်တွေလည်း များစွာရှိတတ်ပါတယ်။
မိခင်နို့စို့ဖို့ ကလေးက ငြင်းဆန်တဲ့ အခြေအနေကြုံတွေ့ရပြီဆိုရင် မေမေတို့အနေနဲ့ နို့ကို လက်နဲ့ညှစ်ယူပြီး ရင်သွေးလေးတွေကို ဇွန်း ဒါမှမဟုတ် ခွက်နဲ့ တိုက်ကျွေး ပေးရပါ မယ်။ စိတ်ရှည်ရမယ်၊သက်တောင့်သက်သာနဲ့ နားနားနေနေ ဆောင်ရွက်ရမှာ ဖြစ်ပါတယ်။ အရေးကြီးတာကတော့ ရင်သွေးငယ်လေး ဆာနေသလားဆိုတာကို စောင့်ကြည့်ရမှာပါ။ ဆူညံသံတွေနဲ့ အာရုံထွေပြားမှုတွေကို ကန့်သတ်လိုက်ရပါမယ်။ မေမေတို့ရင်သွေးလေးကိုပဲ အာရုံစိုက်ရပါမယ်။Nursing Strikes ကြောင့် မိခင်နို့ပြတ်တာက အတော်ကိုရှားပါးတဲ့ အခြေအနေပါ။
မိခင်နို့တိုက်ကျွေးခြင်းနဲ့ပါတ်သက်လို့အချင်းချင်းအတွေ့အကြုံ ဗဟုသုတတွေ မျှဝေနိုင်ဖို့၊ အခက်အခဲတွေကို အတူတကွဖြေရှင်းနိုင်ဖို့မေ့မေ့ချိုချိုဆိုတဲ့ Groupလေးလုပ်ထားပါတယ်။လင့် လေးကိုနှိပ် Group Member ဝင်ဖို့ ဖိတ်ခေါ်ပါတယ်။ Member ဝင်တဲ့အခါ မေးခွန်းလေးတွေကိုဖြေပေးဖို့ မမေ့ပါနဲ့နော်။
မေမေ့ချိုချိုGroup ကို ဝင်ရန်။ http://bit.ly/maymaychocho
