မိခင်နို့ဦးရည်ဟာ သားသားမီးမီးတို့အတွက် အလွန်အမင်း အဖိုးတန်ပါတယ်

မေမေတို့ရေ ဟိုးနှစ်‌ပေါင်းများစွာကတည်းကရှိခဲ့တဲ့ လွဲမှားနေတဲ့ ရိုးရာဓလေ့တစ်ခုက ဘာလဲဆိုတော့ မိခင်နို့ဦးရည်ကို ကလေးကို မတိုက်ပဲ လွှင့်ပစ်ကြတာပါပဲ…

တကယ်တော့ ဒီလိုလွှင့်ပစ်ခံခဲ့ရတဲ့ မိခင်နို့ဦးရည်ဟာ သားသားမီးမီးတို့အတွက် ရွှေထက်အဖိုးတန်ပါတယ်… နို့ဦးရည်ဆိုတာ ကလေးမီးဖွားပြီးပြီးချင်းထွက်တဲ့ ၀ါကျင့်ကျင့်အရောင်နဲ့ နို့ရည်ကြည်ပဲဖြစ်ပါတယ်… ဒါကို နို့အဖြူမဟုတ်လို့ မသန့်ဘူး၊ကလေးကိုမတိုက်သင့်ဘူးလို့ ယူဆပြီး စွန့်ပစ်တတ်ကြပါတယ်…

ကလေးငယ်လေးတွေ အသက်ရှင်သန်ရပ်တည်နိုင်ရေးအတွက် နို့ဦးရည်ကို ရရှိဖို့ လိုအပ်ပါတယ်…နို့ဦးရည်က မွေးကင်းစကလေးတွေအတွက် ရောဂါပေါင်းစုံကို ကာကွယ်ပေးတဲ့ ကာကွယ်ဆေးအဖြစ် အကျိုးကျေးဇူးတွေကို ရရှိစေပြီး ကလေးတွေကို ရောဂါအန္တရာယ်တွေကနေ ကာကွယ်ပေးပါတယ်…. မွေးကင်းစကလေးငယ်တွေရဲ့ အစာအိမ်က သေးသေးလေးပဲ ရှိနေသေးတဲ့အတွက် သူတို့ဗိုက်ဝဖို့ဆို နို့ဦးရည် နည်းနည်းလေးပဲ လိုအပ်ပါတယ်….

မွေးကင်းစ ကလေးငယ်တွေကို နို့မှုန့်အပါအဝင် အခြားအရည်တွေ တိုက်ကျွေးမိတဲ့အခါမှာ နို့ဦးရည်က ရမယ့် ရောဂါကာကွယ်ပေးမှုတွေက လျော့သွားပြီး ဝမ်းလျှောတာတွေ၊ ခန္ဓာကိုယ်ထဲ ရောဂါပိုးဝင်တာတွေ၊ဦးနှောက် အမြှေးရောင်တာတွေ ဖြစ်စေနိုင်ပါတယ်… နို့ဦးရည်ထဲမှာ

အန္တရာယ်ရှိတဲ့ ဘက်တီးရီးယားနဲ့ ဗိုင်းရပ်စ်တွေကို တိုက်ဖျက်ပေးတဲ့ အကာအကွယ်ဓါတ်တွေ အများကြီးပါနေပါတယ်… အဲဒါတွေကတော့

● ပဋိပစ္စည်းများ (သူတို့က ခန္ဓာကိုယ်ရဲ့ ခုခံစွမ်းအားစနစ်ကို ရောဂါပိုးဝင်လာတဲ့အကြောင်း အချက်ပေးပြီး ဘက်တီးရီးယား / ဗိုင်းရပ်စ်တွေရဲ့ တိုက်ခိုက်မှုကို သိရှိစေတယ်)

● သွေးဖြူဥ (တိုက်ခိုက်နေတဲ့ ဘက်တီးရီးယား / ဗိုင်းရပ်စ်တွေကို ချေဖျက်ခြင်းအားဖြင့် ရောဂါကူးစက်ခြင်းကနေ ခုခံကာကွယ်ပေးတယ်)

● ဓါတ်တိုးဆန့်ကျင်ပစ္စည်းများ ( အဲဒါတွေက ဆဲလ်ပျက်စီးခြင်းကို ကာကွယ်တားဆီးပေးတယ် သိုမဟုတ် ဆဲလ်ပျက်စီးခြင်းကို နှေးကွေးစေတယ်)

● ဗီတာမင်အေ (ကလေးရဲ့ ကိုယ်ခံအားစနစ်ကို မြှင့်တင်ပေးတယ်)

● ကလေးကြီးထွားစေတဲ့ ဓါတ်တွေ (ပထမဆုံးရက်ကစလို့ ကလေးရဲ့ကြီးထွားမှုနှုန်းကို မြှင့်တင်ပေးတယ်)

● လက်တိုဖာရင် ( ဘက်တီးယီးယားတွေ လိုအပ်တဲ့အာဟာရတွေမရအောင် ဖြတ်တောက်ပေးပြီး ရောဂါဖြစ်စေတဲ့ ဘက်တီးရီးယားတွေ ကြီးထွားပြန့်ပွားမှုကို ကာကွယ်ပေးတယ်)

နို့ဦးရည်က အာဟာရပါဝင်နှုန်းမြင့်မားတဲ့အတွက်ပမာဏ နည်းနည်းလေးပဲ ရရင်တောင် ကလေးရဲ့ ဆာလောင်မွတ်သိပ်မှုကို ပြေပျောက်စေပြီး အာဟာရလိုအပ်ချက်များကို ပြည့်ဝစေပါတယ်… နို့မှုန့်အပါအဝင်၊ ရေနှင့် အခြားအရည်တွေက ကလေးတွေအတွက် အရေးကြီးတဲ့ အပေါ်မှာပြောခဲ့တဲ့ အာဟာရမျိုးတွေ၊ အကျိုးကျေးဇူးတွေကို မရစေနိုင်ပါဘူး…

မိခင်နို့တိုက်ကျွေးခြင်းနဲ့ပါတ်သက်လို့အချင်းချင်း အတွေ့အကြုံ ဗဟုသုတတွေ မျှဝေနိုင်ဖို့၊ အခက်အခဲတွေကို အတူတကွ ဖြေရှင်းနိုင်ဖို့မေ့မေ့ချိုချိုဆိုတဲ့ Group လေးလုပ်ထားပါတယ်။ လင့် လေးကိုနှိပ် Group Member တင်ဖို့ ဖိတ်ခေါ်ပါတယ်။ Member ဝင်တဲ့အခါ မေးခွန်းလေးတွေကိုဖြေပေးဖို့ မမေ့ပါနဲ့နော်။ မေမေ့ချိုချို Group ကို ဝင်ရန်။ http://bit.ly/maymaychocho